шилэн данс

 Энд өргөдөл гомдол
   хүлээн авч байна.
 

Эрхэмлэх үнэт зүйл

Манай байгууллагын эрхэмлэх үнэт зүйл бол тус байгуулагад ажиллаж буй нийт ажилтан, ахмад үе, тэдний бий болгож бүтээсэн соёл байгууллага хамт олон . . .

Дэлгэрэнгүй...

Үйл ажиллагааны ил тод байдал

Орон нутгийн өмчийн хөрөнгийг үр ашигтай захиран зарцуулах зорилгоор төсвийн удирдлагыг хэрэгжүүлэх шийдвэр, үйл ажиллагаа ил тод . . .

Дэлгэрэнгүй...

Худалдан авах ажиллагаа

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааны ил тод байдлыг хангахтай холбогдсон  . . .

Дэлгэрэнгүй...

Ажлын байр

Хөдөлмөрийн тухай хууль тогтоомж нь Үндсэн хууль, энэ хууль болон тэдгээртэй нийцүүлэн гаргасан хууль тогтоомжийн бусад актаас . . .

Дэлгэрэнгүй...

Мэдээ мэдээлэл

Монгол Улсын Засгийн газрын 399, 340 дүгээр тогтоолыг хэрэгжүүлэх арга хэмжээний хүрээнд батлагдсан Гамшгийн аюулын тухай зарлан мэдээллийн дохио дамжуулах журам, гамшгийн үеийн нүүлгэн шилжүүлэх журмын хэрэгжилтийг хангах зорилгоор “Зорчигч тээврийн нэгтгэл”-ийн ажилчид гамшгаас хамгаалах нэгдсэн дадлага сургалтанд хамрагдлаа.  Нийслэлийн Онцгой байдлын газраас гамшгийн аюулын зарлан мэдээллийн дуут дохиог 3 удаа дуугарах үед “Зорчигч тээврийн нэгтгэл”, баазуудын 88 ажилтан албан хаагчид, Монгол Солонгосын коллежийн 138 оюутнууд барилга обьектоос гарч,  аюулгүйн талбайд цугларан, нэгдсэн заавар зөвлөмж авч, дадлага хийлээ.

Дадлагын үеэр “суу, нүүгд, хүлээ” гэсэн дүрмийг баримталж шил, цонхноос хол, бат бөх ширээн доогуур орж бие болон толгойгоо халхлан аюулгүй байдлаа хангах, гудамжинд явж байгаа тохиолдолд гэрэлтүүлэг, цахилгааны тулгуур багана, өндөр барилга, байгууламж зэргээс холдож, тээврийн хэрэгслээр явж байгаа тохиолдолд замаас гарч, машинаа унтрааж түр хүлээх зөвлөмжийг авсан. Тухайн иргэн  албан байгууллага болон гэртээ байгаа үед толгойгоо халхлан яарч сандралгүй нэгийн цуваанд орж баруун гар талаа барьж, “гүйхгүй, эргэж буцахгүй, нэгнээ түлхэхгүй” гэсэн дүрмийг баримталж байгаа газраасаа цахилгаан шат ашиглахгүйгээр гарч аюулгүй талбайд цугларах дадлага сургуулилалт хийсэн.

 

Энэхүү дадлага сургуулилтанд хамрагдснаар газар хөдлөлт болон аливаа гамшгийн үед өөрийгөө болон бусдыг авран хамгаалаххэрхэн хор хохирол багатай даван туулах талаар мэдлэг олж авсан юм.

“Зорчигч тээврийн нэгтгэл” ОНӨААТҮГ-ын Тээвэрлэлт үйлчилгээ бодлого төлөвлөлтийн хэлтсийн ахлах инженер Ч.Отгонжаргал 1, 2 дугаар баазын инженер техникийн ажилчдад сургалт зохион байгууллаа. Сургалтаар цагийн менежент, цаг төлөвлөхөд баримтлах зарчмууд, цагийг зөв зохицуулах нь сэдвээр мэдээлэл өгч, багаар ажиллах чадварыг дээшлүүлэх сорил дээр ажиллуулсан.

Цагийн зөв төлөвлөснөөр тухайн хүн өөртөө цаг гаргаж, хүсч буй зүйлээ хийх боломж бүрдэнэ. Ингэснээр асуудал үүссэн үед бие болоод сэтгэл зүйн хувьд бэлэн байж, зөв шийдвэр гарган, ажлын бүтээмжээ дээшлүүлж,  үүсэх эрсдлийг багасган, амьдралын баяр баяслыг мэдэрч эрүүл аж төрөн, стресс ядаргааг бууруулах боломжтойг зөвлөлөө.

Мөн ямар ажлууд хийхдээ цаг хугацаа их зарцуулж байгаагаа гарган, ач холбогдлоор нь эрэмбэлж, бүтээлч ажлуудад цаг гарга. Цагийг төлөвлөхдөө яаралтай ба яаралтай биш, чухал ба чухал бишээр нь ангилж ялга. Олон ажил давхацсанаар хүн яарч сандран, уурлаж бухимдах үндэс болдог. Тиймээс зорилгоо тодорхойлж, төлөвлөгөө гарган,  их биш ухаалаг ажиллахад анхаарч цайны завсарлага авч байхыг сануулсан юм.

 

“Зорчигч тээврийн нэгтгэл” ОНӨААТҮГ-ын захирал Г.Төмөрбаатарын гаргасан удирдамжийн хүрээнд Нийслэл Улаанбаатар хот байгуулагдсаны 380 жилийн ой, нийслэлийн тээврийн газар байгуулагдсаны 50 жилийн ойг угтсан “Нийтийн тээврийн соёлтой үйлчилгээ” аяныг бүх хэлтэс алба, 1, 2 дугаар баазын хэмжээнд зарласан. Аян нь нийтийн тээврийн үйлчилгээг иргэдэд соёлч боловсон хүргэх, ажилчдын идэвхи санаачлагыг өрнүүлэх, ажлын хариуцлагыг өндөржүүлэх, замын хөдөлгөөнд соёлтой оролцох, осол зөрчлийг бууруулах, Замын хөдөлгөөний дүрэм, нийтийн тээврийн стандартуудыг мөрдөх, үйлчилгээний соёлыг дээшлүүлэх үндсэн зорилготой.

Сарын хугацааны ажлын үзүүлэлтээр аяныг дүгнэн манлайлагч хэсэг, хамт олон, шилдэг шинэ санаа гаргасан ажилчин, ээлжийн инженер, засварын инженер, цахилгаан хангамжийн инженер техникийн ажилтан,  жолооч,  шалгах механик,  засварчин, тэрэг тавигч, угаалгын оператор, цахилгаанчинг тодруулах юм.

Энэхүү аяны хүрээнд Тээвэрлэлт үйлчилгээ бодлого төлөвлөлтийн хэлтсээс санаачлан цахим картаар төлбөрөө төлөн зорчиж буй зорчигчиддоо зурагт хуудсаар талархал илэрхийлж, өнөөдрийн таны цахим картаар төлсөн төлбөр нийтийн тээврийн маргаашийг тодорхойлно. Зорчигч та цахим картаар төлбөрөө төлж соёлтой үйлчлүүлнэ үү гэж уриаллаа.  

 

 

“Зорчигч тээврийн нэгтгэл” ОНӨААТҮГ-аас Олон улсын эмэгтэйчүүдийн эрхийг хамгаалах өдрийг тохиолдуулан 300 гаруй бүсгүйчүүдээ хүлээн авч хүндэтгэл үзүүллээ. Арга хэмжээний үеэр нийтийн тээврийн байгууллагад 18-26 жил тасралтгүй үр бүтээлтэй ажилласан 8 бүсгүй Хүндэт эмэгтэй өргөмжлөл, мөнгөн шагналаар шагнагдаж, “Эв нэгдэл ҮЭ-ийн хорооноос 18 азтан тодруулан, нэгтгэлийн залуус, жолооч нар  дуу хуурын дээж, цэцэгт мэндчилгээгээр бүсгүйчүүдээ баярлуулсан. Нэгтгэлийн удирдлага, хамт олноос Монголынхоо нийт бүсгүйчүүдэд баярын мэнд хүргэж аз жаргал, эрүүл энх, сайн сайхныг хүсэн ерөөж байна.   

 Нийслэлийн удирдах ажилтны өргөтгөсөн шуурхай зөвлөгөөн боллоо. Шуурхай зөвлөгөөнд нийслэлийнхарьяа газар, агентлаг, орон нутгийн өмчит аж ахуйн тооцоот үйлдвэрийн газар,  дүүрэг, хорооны удирдлагууд оролцсон. Зөвлөгөөнд “Зорчигч тээврийн нэгтгэл” ОНӨААТҮГ -ын удирдлагууд оролцож мэдээлэл авлаа.

Нийслэлийн Иргэдийн төлөөлөгчдийн Хурлын дарга Р.Дагва, нийслэлийн Засаг дарга бөгөөд Улаанбаатар хотын захирагч С.Амарсайхан нар мэдээлэл хийж, оролцогсодтой санал солилцон, үүрэг даалгавар өгсөн. Мөн энэ үеэр нийслэлийн харьяа байгууллагуудын удирдлагууд хийж хэрэгжүүлсэн болон цаашид хийх ажлынхаа талаар мэдээлэл хийв.   

Нийслэлийн Засаг дарга бөгөөд Улаанбаатар хотын захирагч С.Амарсайхан “Нийтийн тээврийн шинэчлэлийг үе шаттай хийж, аюулгүй, цэвэрхэн, дулаахан орчинд иргэдэд үйлчилдэг болгохын төлөө ажиллана. Цаашид ч иргэдийн санал, хүсэлтийг хүлээн авах утсыг ажиллуулж, олон түмэнтэйгээ хамтран ажиллана. Хувь хүний эрх ашгаас илүү нийтийн эрх ашгийг дээдэлж, хүн бүр иргэдийнхээ сайн сайхны төлөө ажилдаа хариуцлагатай, сэтгэл зүрхнээсээ ажиллах хэрэгтэй. Энэ л та бидний нийслэлийн хөгжил цэцэглэлт, ирээдүй хойчийнхоо төлөө хийж буй хамгийн том ажил байх болно. Иргэд хотын соёлд суралцан хаа тааралдсан газраа нус, цэрээ хаядаггүй байх ёстой. Иргэдээ соёлжуулахын төлөө үе шаттай ажлууд зохион байгуулна. Төр хувийн хэвшлийн байгууллагууд энэ ажилд нэгдэн хамтран  ажиллана гэдэгт итгэлтэй байна” гэв.   

Энэ үеэр Тээврийн цагдаагийн албанаас 2019 оны эхний хоёр сарын байдлаар 12748 дуудлага мэдээлэл хүлээн авч 3936 эд материалийн хохиролтой ослыг даатгалаар шийдвэрлэсэн. хүн гэмтсэн гэмт хэргийн шинжтэй 261 бүртгэгдэж зам тээврийн хэргийн улмаас 8 хүний амь нас хохирч, 311 хүн гэмтсэн гэсэн мэдээлэл өгч, нийт жолооч зорчигчдыг   замын хөдөлгөөнд соёлтой оролцохыг уриаллаа 

. 

Page 2 of 49

Манай facebook хуудсаар зочлоорой

Go to top