шилэн данс

 Энд өргөдөл гомдол
   хүлээн авч байна.
 

Эрхэмлэх үнэт зүйл

Манай байгууллагын эрхэмлэх үнэт зүйл бол тус байгуулагад ажиллаж буй нийт ажилтан, ахмад үе, тэдний бий болгож бүтээсэн соёл байгууллага хамт олон . . .

Дэлгэрэнгүй...

Үйл ажиллагааны ил тод байдал

Орон нутгийн өмчийн хөрөнгийг үр ашигтай захиран зарцуулах зорилгоор төсвийн удирдлагыг хэрэгжүүлэх шийдвэр, үйл ажиллагаа ил тод . . .

Дэлгэрэнгүй...

Худалдан авах ажиллагаа

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааны ил тод байдлыг хангахтай холбогдсон  . . .

Дэлгэрэнгүй...

Ажлын байр

Хөдөлмөрийн тухай хууль тогтоомж нь Үндсэн хууль, энэ хууль болон тэдгээртэй нийцүүлэн гаргасан хууль тогтоомжийн бусад актаас . . .

Дэлгэрэнгүй...

Мэдээ мэдээлэл

“Зорчигч тээврийн нэгтгэл” ОНӨААТҮГ-ын захирал Г.Төмөрбаатар, хэлтэс, баазын удирдлагуудтай Европын сэргээн босголтын банкны хөрөнгө оруулалтаар хийгдэх Улаанбаатар автобус шинэчлэлтийн төслийн ТЭЗҮ-ийн ажил хийж гүйцэтгэхээр сонгогдсон МоттМакдональд ХХК-ний төлөөлөгчидтэй уулзлаа. Уулзалтын үеэр төслийн багийнхан нийтийн тээврийн шинэчлэлтийн хүрээнд хийж хэрэгжүүлэхээр төлөвлөсөн ажлаа танилцуулж харилцан санал солилцсон. Төслийн багийнхан Энхтайваны өргөн чөлөөгөөр зорчих нийтийн тээврийн хэрэгсэл чөлөөтэй зорчих боломжийг бүрдүүлэх, уулзваруудыг нэвтрэх чадварыг нэмэгдүүлэх, зорчигчдын тав тухтай орчинд зорчих боломжийг бүрдүүлэхэд анхааран, байгаль орчин нийгмийн чиглэлийн судалгаа хийж байгаагаа танилцуулж, автобусны засвар үйлчилгээ, техник тоног төхөөрөмж, шатахуун тослох материалын талаар тодруулж,  парк шинэчлэлтийг хэрхэн хийвэл үр дүнд хүрэх талаар зөвлөхийг хүссэн юм.  

Нэгтгэлийн удирдлагууд баазууд 1997 онд ашиглалтанд орсон учраас техник тоног төхөөрөмж хуучирсан, автобуснуудын гүйлтийн хугацаа дууссан учир эвдрэл ихтэй байнгын засвар үйлчилгээг хийсээр ирсэн. Нийтийн тээвэрт яаралтай  парк шинэчлэлтийг хийж, инженер техникийн ажилтнуудыг сурган дадлагажуулах хэрэгтэй байна. Парк шинэчлэлт хийж автобус авахдаа 11 м, хий нумтай,нам тэнхлэгтэй,   механик кроптой, 2 хаалгатай, багтаамж сайтай, дулаахан, цонх нь цантдаггүй,хөгжлийн бэрхшээлтэй хүнд зориулсан шаттай, дизель түлш хэрэглэдэг байх шаардлагатай. Монгол орон өвөлдөө  хүйтэн учир евро 5 түлш хэрэглэдэг, олон хаалгатай угсраа автобус тохиромжгүй байна.  Дулаан бага алддаг, багтаамж сайтай  автобус авах хэрэгтэйг хэллээ.

 

 

“Зорчигч тээврийн нэгтгэл” ОНӨААТҮГ 2017 оны ажлын үзүүлэлтээр  хамт олноо манлайлан Нийслэлийн “Хөдөлмөрийн аварга”, Нийслэлийн Тээврийн газрын “Хөдөлмөрийн аварга” “Нийслэлийн Зорчигч тээврийн нэгтгэл”-ийн “Хөдөлмөрийн аварга”, 1,2 дугаар баазын “Хөдөлмөрийн аварга”-аар шалгарсан нийт 40 инженер техникийн ажилтан, жолооч, засварчдыг байгууллагын зардлаар Манжуурт амраалаа. Аялал нь ажилчдыг хариуцсан  ажилдаа улам илүү үр бүтээлтэй ажиллах, шинийг санаачлах сэдлийг төрүүлэх, нийтийн тээврийн стандартыг мөрдүүлэх, ажлын цаг ашиглалтыг сайжруулах, зам тээврийн осол зөрчил,санал гомдол, цаг рейсийн зөрчлийг бууруулах үндсэн зорилготой.

Аялал эхлэхийн өмнө Зорчигч тээврийн нэгтгэл ОНӨААТҮГ-ын орлогч Б.Даваасүрэн, хамтран зохион байгуулагч “U travel” компанийн менежер Н.Содболд, Хөдөлмөр аюулгүй байдал эрүүл ахуйн ажилтан А.Сүхбаатар нар аялалын зааварчилгаа, аюулгүй байдлын  журам, хөтөлбөртэй танилцуулсан. Хөтөлбөрийн дагуу аялагчид 6 өдрийн аялалаар эрүүл агаарт гарч, тэмцээн уралдаанд оролцон цагийг хөгжилтэй өнгөрөөн, ажиллах эрч хүчээ улам нэмэгдүүлэн сэтгэл дүүрэн амраад ирлээ.    

 

“Зорчигч тээврийн нэгтгэл”-ийн “Нарны зам” сургалтын төв,  сургагч багш, докторант T.Оюундарьтай хамтран  “Харилцаа хандлага, ёс зүй”  сургалтыг  82 шалгагчийг хамруулан зохион байгууллаа.

Сургалтаар энэ дэлхийд хүн бүрийг нар ивээж, амьдрах орон зай, цаг хугацаа, ус агаарыг өгдөг. Гэтэл хүмүүс бид байгаадаа сэтгэлээ төвлөрүүлэхгүй,  ямагт илүү ихийг хүссээр аз жаргалыг алддаг. Хүнд чи юу өгнө, түүнийгээ л буцааж авна. Ямар ч хүнтэй зөв боловсон харилцахад тухайн хүн буцаагаад чамайг элдвээр хэлэхгүй. Сөрөг энергитэй, асуудлыг зөв өнцгөөс хардаггүй, бухимдаж уурласан хүнтэй аль болох зөөлөн харилцахад суралцаж, тулгарсан асуудлыг зөв шийдэхэд анхаарч, хүлээцтэй тэвчээртэй байж сурах хэрэгтэй. Ойлголцож чадахгүй бол тухайн хүнээс холдох хэрэгтэй. Бухимдахаа больсон үед нь ярилцаж болно шүү дээ.

Зарим хүн сэтгэлээ засах гэж согтууруулах ундаа хэрэглэдэг. Энэ ундаа нь хүний сэтгэл хөөрлийн түвшинг тухайн үедээ нэмдэг ч үйлчлэл нь гарахаар сэтгэл санааг чинь энгийн үед байснаас чинь 2 дахин илүү унагадаг. Энэ зарчмаар нэг удаа согтууруулах ундаа хэрэглэсэн хүн дараагийн өдөр дахин хэрэглэхийг хүссээр архины хамааралтай болдог. Тиймээс буруу зуршил бүхнээс хол байх ёстой. Хүн бүрт хайр халамж, хүндлэл  хэрэгтэй байдаг. Энэхүү дотоод хэрэгцээгээ нөхөхийн тулд алдаа гаргах нь бий. Хэрэв та  алдаа гаргасан бол алдаагаа давтахгүй байхад анхаарч, өөрийгөө уучилж сурах ёстой. Өөрийгөө, бусдыг ч уучилж чаддаг хүн бүр сайхан амьдрах боломжтой.   Байгаль ертөнцөд үйлчилж буй энэхүү эргэх холбоо та сайн үйл хийвэл сайхан амьдарна. Муу бүхнийг хийвэл муу л амьдарна гэсэн зарчмаар явагддаг гэдгийг онцолсон юм.

 

“Зорчигч тээврийн нэгтгэл” ОНӨААТҮГ-ын захирал Г.Төмөрбаатарын санаачлагаар нэгтгэлийн 492 жолооч нарыг оролцуулсан “Уран жолоодлого-Ур чадвар”-ын тэмцээн зохион байгуулагдаж аваргуудаа тодрууллаа. Тэмцээн нь нийтийн тээврийн жолооч нарын замын хөдөлгөөний дүрэм, хууль эрх зүйн мэдлэг, мэргэжлийн ур чадварыг нэмэгдүүлэх, сурган чадавхижуулах, сахилга хариуцлагыг дээшлүүлэх үндсэн зорилготой. Тэмцээнд оролцож буй жолооч нараас хууль эрх зүй, замын хөдөлгөөний дүрэм, нийтийн тээврийн стандарт, техникийн онолын тестээр шалгалт авснаас гадна жолооны дадлагын талбайд 90 градус ухрах, буудлын карманд орох, дан болон хос туг сүлжих, цагираг шилжүүлэх зэрэг төрлөөр ур чадварыг нь сорьсон. 2018 оны 10 дугаар сарын 12-ноос эхэлсэн тэмцээн 2 шаттай явагдаж хэсгээс 21 жолооч үлдэн аваргын төлөө өрсөлдөж нэгдсэн дүнгээ гаргахад 2 дугаар баазын жолооч Т.Энх-Амгалан 1 дүгээр байр, 1 дүгээр баазын жолооч Б.Уранбат 2 дугаар байр, 1 дүгээр баазын жолооч Д.Ууганбаяр 3 дугаар байр эзэлллээ.              

 

 

“Уран жолоодлого-Ур чадвар”-ын тэмцээний хүрээнд “Зорчигч тээврийн нэгтгэл” ОНӨААТҮГ-ын 2 дугаар баазын жолооч нар замын хөдөлгөөний дүрэм, хууль эрх зүйн мэдлэг, ур чадвараараа өнгөрсөн амралтын өдрүүдэд өрсөлдөж хэсгийн аваргуудаа тодрууллаа.

Тэмцээнд 2 дугаар баазын 1, 2, 3 хэсгийн 221 жолооч нар өрсөлдөж хэсэг тус бүрээс 3 нийт 9 жолооч шалгарч байгууллагын аваргад орох эрхээ гардан авсан. Байгууллагын аваргад оролцох жолооч нар хууль эрх зүй, замын хөдөлгөөний дүрэм, нийтийн тээврийн стандарт, техникийн онолын тестээр шалгалт өгөхөөс гадна гэмтэл тодорхойлох, жолооны дадлагын талбайд 90 градус ухрах, буудлын карманд орох, дан болон хос туг сүлжих, цагираг шилжүүлэх зэрэг төрлөөр ур чадвараа сорих юм.

2 дугаар бааз 1 дүгээр хэсэг
1 дүгээр байр Б.Баттулга 3 минут 46 секунд
2 дугаар байр Ю.Төгсбат 3 минут 50 секунд
3 дугаар байр Г.Батжаргал 3 минут 57 секундээр

2 дугаар бааз 2 дугаар хэсэг 
1 дүгээр байр Н.Мөнхдэлгэр 2 минут 37 секунд
2 дугаар байр Ч.Чулуунпүрэв 2 минут 43 секунд
3 дугаар байр Д.Баттөр 3 минут 05 секундээр

2 дугаар бааз 3 дугаар хэсэг 
1 дүгээр байр Ч.Эрдэнэ-Очир 2 минут 30 секунд
2 дугаар байр Т.Энх-Амгалан 2 минут 50 секунд
3 дугаар байр Т.Доржжанцан 2 минут 53 секундээр шалгарлаа.

Page 7 of 49

Манай facebook хуудсаар зочлоорой

Go to top