шилэн данс

 Энд өргөдөл гомдол
   хүлээн авч байна.
 

Эрхэмлэх үнэт зүйл

Манай байгууллагын эрхэмлэх үнэт зүйл бол тус байгуулагад ажиллаж буй нийт ажилтан, ахмад үе, тэдний бий болгож бүтээсэн соёл байгууллага хамт олон . . .

Дэлгэрэнгүй...

Үйл ажиллагааны ил тод байдал

Орон нутгийн өмчийн хөрөнгийг үр ашигтай захиран зарцуулах зорилгоор төсвийн удирдлагыг хэрэгжүүлэх шийдвэр, үйл ажиллагаа ил тод . . .

Дэлгэрэнгүй...

Худалдан авах ажиллагаа

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааны ил тод байдлыг хангахтай холбогдсон  . . .

Дэлгэрэнгүй...

Ажлын байр

Хөдөлмөрийн тухай хууль тогтоомж нь Үндсэн хууль, энэ хууль болон тэдгээртэй нийцүүлэн гаргасан хууль тогтоомжийн бусад актаас . . .

Дэлгэрэнгүй...

Мэдээ мэдээлэл

“Зорчигч тээврийн нэгтгэл”-ийн шуурхай хуралдаан боллоо. Хурлын үеэр  2018-2019 оны өвөлжилтийн бэлтгэлийг хангах ажлын хүрээнд инженерийн шугам сүлжээг сайжруулах, тоног төхөөрөмжийг засварлах чиглэлээр өнгөрсөн сард инженер техникийн ажилтнууд ямар ажлууд хийснийг баазын удирдлагууд танилцуулсан юм.

 1 дүгээр баазын инженер техникийн ажилчид  I ба II гражийн хуучирч муудсан паарыг гагнаж, дулааны шугам сүлжээний байцаагчийг байлцуулан нийт 4 узелийн бойлуурыг угааж цэвэрлэсэн. Мөн борооны ус зайлуулах шугамыг хэсэгчлэн засварлаж, асфальт бетон цутгахад бэлэн болгож, засварчдын хувцас солих өрөөний угаалтуурын далд шугамыг солин, ШТС-ын урд талбайг хучих ажил эхлүүлсэн байна.

Харин 2 дугаар баазын засварчид, инженер техникийн ажилчид  5 троллейбусны штангны аваарын шатыг засаж, депогийн гэрлийг сольж, явган хаалгыг засан, гадна хаалгыг төмөр троссоор татаж бэхэлсэн . 3-р сувагт  цахилгааны тэжээлийн кабель татаж шинээр холболт хийж монтажлан,  узелийг угааж цэвэрлэж дулааны цахилгаан тоолуур шинээр тавьжээ.

Зорчигч тээврийн нэгтгэл” ОНӨААТҮГ-ын Дотоод хяналт шалгалтын хэлтсээс санаачлан зохион байгуулсан “Хүүхдийн ертөнцөд өнгө нэмье” аян өндөрлөв. Хүүхдүүдийн чөлөөт цагийг зөв боловсон өнгөрүүлэх, сэтгэхүйг хөгжүүлэх, танин мэдэхүйн орчинг бүрдүүлэх зорилготой аянд нэгтгэл 1, 2 дугаар баазын захиргаа, инженер техникийн ажилчид идэвхитэй оролцон дуу, үлгэр, буддаг, зурдаг ном, тоглоом, өөрсдийн хийсэн эсгий  урлалын үлгэрийн цомгоо цэцэрлэгийн бяцхан хүүхдүүдэд сэтгэлийн бэлэг болгон өгсөн юм. Энэхүү бэлгийг Зорчигч тээврийн нэгтгэл” ОНӨААТҮГ-ын дэргэдэх “Бүтээлч багачууд” цэцэрлэгийн багш, хүүхдүүдэд өнөөдөр нэгтгэлийн удирдлагууд гардуулан өгсөн.

 Сайн үйлсийн аянд хамт олноо манлайлан идэвхи санаачлагатай оролцсон хэлтэс, баазуудад “Талархал” гардууллаа. “Бүтээлч багачууд” цэцэрлэгийн эрхлэгч Р.Мөнхцэцэг хамт олныхоо өмнөөс аянг санаачилсан ДХШХ-ийн дарга Д.Отгонсүрэн, хэлтсийнхэн, хүүхдийн төлөө сэтгэл зүрхээ зориулсан нэгтгэлийн ажилчдад чин сэтгэлээсээ баярласанаа илэрхийллээ. 

 

Өнөөдөр 2018-2019 оны хичээлийн шинэ  жилийн эхний өдөр. Эрдэм ном сурахаар ээж аавдаа хөтлүүлэн цэцэрлэг, сургуулийн босгоор алхан орж буй багачууд, оюутан сурагчиддаа “Зорчигч тээврийн нэгтгэл”-ийн удирдлага, ажилтнуудаас “Хичээлийн шинэ жилийн мэнд хүргэе” гэсэн мэндчилгээг   автобуснуудынхаа урд байршууллаа.

Энэ хичээлийн шинэ жилд “Зорчигч тээврийн нэгтгэл”-ийн дэргэдэх “Бүтээлч багачууд” цэцэрлэгт нийт 100 гаруй хүүхэд элсэн орж суралцаж байна. Эрдэм номдоо шамдан суралцах нийт сурагчиддаа сурлага хөдөлмөрийн өндөр амжилт, эрүүл энх, аз жаргал сайн сайхныг хүсэн ерөөе.   

 “Зорчигч тээврийн нэгтгэл” ОНӨААТҮГ 2018-2019 оны өвөлжилтийн бэлтгэл хангах ажлын хүрээнд 1 дүгээр баазын хашаан дахь бут, хайлаас, шар хуайс, буйлс, өрөл, нохойн хошуу, голт бор зэрэг 7 нэр төрлийн 53 бут сөөг, 102.2 м ургамлын хашлагыг /хайлаас/ хэлбэржүүлж, 7450 м2 зүлэгт талбайг тэгшиллээ. Мөн 550 м талбайд дулааны шугам нөхөн сэргээлт, авто зам нөхөөсийн ажил хийсэн. Авто зам нөхөн сэргээлтийн ажлын хүрээнд борооны ус тогтдог эвдэрсэн замыг хөрөөдөж, дайрган хучилт хийн, битум түрхэж, индүүдэн асфальтан хучилт хийв.

 Хүүхдийн чөлөөт цагийг зөв боловсон өнгөрүүлэх, сурч боловсрох, сэтгэхүйг хөгжүүлэх,  танин мэдэхүйн орчинг бүрдүүлэх зорилготой “Хүүхдийн ертөнцөд өнгө нэмье” аяны туг  2018 оны 07 дугаар сарын 10-наас 08 дугаар сарын 23-ны хооронд 1, 2 дугаар баазаар аялалаа. Аяны хүрээнд  ажилчид дуу, үлгэр, түүхийн болон буддаг, зурагт ном, тоглоом, өөрсдийн хийсэн эсгий  урлалын үлгэрийн цомгоо цэцэрлэгийн бяцхан хүүхдүүдэд сэтгэлийн бэлэг болгон өгсөн юм.  

Ажилчдын өгсөн энэхүү тоглоом, ном, гараар урласан бүтээлийг аян өндөрлөсний дараа “Зорчигч тээврийн нэгтгэл” ОНӨААТҮГ-ын хамтран ажилладаг 94 дүгээр цэцэрлэг болон 2 дугаар баазын ажилчдын  “Бүтээлч багачууд” цэцэрлэгийн хүүхдүүдэд хүлээлгэн өгөх юм.

Энэхүү аяны тугийг  Дотоод хяналт шалгалтын хэлтсээс бааз, хэлтсийн удирдлагуудад хүлээлгэн өгч байгаа бөгөөд өнөөдөр “Зорчигч тээврийн нэгтгэл” ОНӨААТҮГ-ын ТТБТХ-ийн хэлтсийн дарга, Ерөнхий инженер Б.Энхцаг, инженер техникийн ажилчдын хамт аянд нэгдэн ирээдүй болсон үрсийнхээ оюуны ертөнцөд өнгө нэмэхээр тугийг гардан авлаа.  

  

Page 6 of 43

Манай facebook хуудсаар зочлоорой

Go to top