шилэн данс

 Энд өргөдөл гомдол
   хүлээн авч байна.
 

Эрхэмлэх үнэт зүйл

Манай байгууллагын эрхэмлэх үнэт зүйл бол тус байгуулагад ажиллаж буй нийт ажилтан, ахмад үе, тэдний бий болгож бүтээсэн соёл байгууллага хамт олон . . .

Дэлгэрэнгүй...

Үйл ажиллагааны ил тод байдал

Орон нутгийн өмчийн хөрөнгийг үр ашигтай захиран зарцуулах зорилгоор төсвийн удирдлагыг хэрэгжүүлэх шийдвэр, үйл ажиллагаа ил тод . . .

Дэлгэрэнгүй...

Худалдан авах ажиллагаа

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааны ил тод байдлыг хангахтай холбогдсон  . . .

Дэлгэрэнгүй...

Ажлын байр

Хөдөлмөрийн тухай хууль тогтоомж нь Үндсэн хууль, энэ хууль болон тэдгээртэй нийцүүлэн гаргасан хууль тогтоомжийн бусад актаас . . .

Дэлгэрэнгүй...

Мэдээ мэдээлэл

“Зорчигч тээврийн нэгтгэл” ОНӨААТҮГ-ын Тээвэрлэлт үйлчилгээ бодлого төлөвлөлтийн хэлтсээс санаачилж 1, 2 дугаар баазын автобуснуудын хуучин суудлын бүрээсийг шинээр сольж, нийтийн тээврээр зорчиж буй зорчигчдыг ханиад томуунаас сэргийлэх зорилгоор ариутгалын бодис, алчуурыг жолооч нарт хүлээлгэн өглөө. Ариутгалын бодисоор автобусны бариул, хаалгыг өдөр бүр арчиж цэвэрлэж, баазын эмч, шалгах механикиуд хяналт тавин ажиллаж байна. Нийт зорчигчдыг нийтийн тээврээр зорчихдоо автобусны эд хөрөнгийг хайрлан, суудлын бүрээсийг бохирдуулахгүй соёлтой зорчихыг уриалж байна. 

“Зорчигч тээврийн нэгтгэл” ОНӨААТҮГ-ын “Нарны зам” сургалтын төв, Хөдөлмөр аюулгүй байдлын алба, хууль эрх зүйн ажилтнууд хамтран 1 дүгээр баазын 30 инженер техникийн ажилтан, засварчдад сургалт зохион байгууллаа.

Сургалтаар засвар үйлчилгээ хийхэд мөрдөх журам, хөдөлмөр хамгаалал, техникийн аюулгүй ажиллагаа,  цахилгаан болон гар багажийг ашиглах үеийн анхаарах ба хориглох зүйлсийн талаар зааварчилгаа өгч,Сахилга хариуцлага, дэг журмыг чангатгах тухай Засгийн газрын 258 дугаар албан даалгавар, 33 тоот Албан хаагчийн ёс зүйн дүрмийг танилцуулж, хууль зөрчихгүй байхад анхаарч, цаг ашиглалтыг сайжруулан, ажлын байранд согтууруулах ундаа хэрэглэхийг хориглосныг анхааруулсан.

Сургалтын хүрээнд засварын станцуудаар орж засварчдын санал бодлыг сонсон, багаж тоног төхөөрөмжийн ажиллагаа, ашиглалтын хугацааг шалган, хөдөлмөр аюулгүй байдлыг хангахад анхаарч ажиллах шаардлагатай байгаа талаар зөвлөгөө мэдээлэл өглөө.

 Зорчигч тээврийн нэгтгэл” ОНӨААТҮГ-ын 1 дүгээр баазын 1 ахлах инженер, 3 засварын инженер , 6 засварчдад JICA олон улсын байгууллагын инженерүүд гурван өдрийн сургалт зохион байгууллаа. Сургалтыг Цэвэрлэх төхөөрөмж баталгаажуулах туршилтын инженер Масүнага Кацуюги, Хөдөлгүүрийн засвар үйлчилгээний хяналтын инженер Тамаяма Тэрүо нар удирдан зохион байгуулсан. Засварын цехэд онолын болон дадлагыг хичээлийг зааж, ажилчдын техникийн мэдлэгийг нь дээшлүүлэн, 1 дүгээр баазын граж № 1-013 дугаарын автобусны хөдөлгүүрийг газар дээр нь оношилж, бүрэн задалж,  угсарсан юм. Энэ үеэр орчин үеийн төхөөрөмж ашиглан дизель хөдөлгүүрийг оношилж, хэмжилтийн судалгааг хийлээ.

“Зорчигч тээврийн нэгтгэл” ОНӨААТҮГ-ын нэгдсэн шуурхай хуралдаан боллоо.  Шуурхай хуралдаанд баазын удирдлагууд өнгөрсөн долоо хоногт хийсэн ажлаа танилцуулсан. Нэгдүгээр баазын инженер техникийн ажилчид засварчид, жолооч шалгагч нар 150 автобусны дээврийг угааж, өдөрт 29 автобусыг засварлаж, өглөө оройн гаралтаар 87 автобусанд тоормозны тохируулга хийсэн. Хөдөлмөр аюулгүй байдлын албанаас 150 автобусанд галын аюулгүй байдлын шалгалт хийж, галын хорны нөхөн олголт хийсэн байна. Хоёрдугаар баазын инженер техникийн ажилчид засварчид өдөрт 19 тээврийн хэрэгслийг засаж, 16 автобусны гэрэл дохиог шинэчилсэн талаараа мэдээлж шийдвэрлэх шаардлагатай асуудлуудаа хамтран ярилцсан.

“Зорчигч тээврийн нэгтгэл”  ОНӨААТҮГ-ын захирал, НИХТ Г.Төмөрбаатар “Нийтийн тээврийн стандартыг бүрэн хангаж ажиллан, цаг ашиглалт, ажлын хариуцлага сахилга батыг сайжруулж,сургалтын чанарыг дээшлүүлж,  хэлтэс албадын уялдаа холбоог ханган, зам тээврийн осол зөрчил гаргахгүй байхад анхаарч ажиллахыг анхааруулан, холбогдох ажилтнуудад үүрэг чиглэл өглөө.

 “Зорчигч тээврийн нэгтгэл“ ОНӨААТҮГ-ын 383 жолооч Гамшгаас хамгаалах сургалтын төвд сургалтанд хамрагдлаа. Сургалтыг Онцгой байдлын ерөнхий газар, “Зорчигч тээврийн нэгтгэл” ОНӨААТҮГ-ын “Нарны зам” сургалтын төв, Хөдөлмөр аюулгүй байдлын алба, Нийслэлийн тээврийн газар хамтран зохион байгуулсан. Сургалтаар газар хөдлөлт, гал, үер усны болзошгүй аюулаас хэрхэн урьдчилан сэргийлэх, ажлын байранд хөдөлмөр аюулгүй байдлыг хэрхэн хангах, галын хорыг яаж сонгох, хэрхэн ашиглах, эмнэлгийн анхны тусламжийг үзүүлэх талаар онолын мэдлэг авч, зориулалтын танхимд дадлага хийсэн.

Гал гарсан үед яаралтай цахилгааны шитээ буулган, тохирох галын хороор унтраах ёстой. Галын хорыг ашиглахдаа галын голомтот цэг рүү дээрээс доош чиглэлд цацаж унтраана. Автомашинд галын хорыг суудлын ард эсвэл гарт ойр байрлалд байршуулж, гал командын машин явж байхад заавал зам тавьж өгөх үүрэгтэй. Хүний амь аврах ажил минут секундээр хэмжигддэг учраас цаг алдах боломжгүй байдаг. Хүн ухаан алдаж унасан үед асуулт асуун хариулахгүй байгаа тохиолдолд гүрээний судсан дээр хоёр хуруугаараа даран, цээжийг нь харж, дотуур цус алдаагүй бол  аюулхайгаас дээш хоёр хуруу зайтай байрлалд буюу хоёр хөхний дунд хэсэгт гараа алгаа байршуулж том хүнийг 30, хүүхдийн 15 удаа дарж, амаар 2 удаа хиймэл амьсгаа хийнэ. Анхан шатны тусламжийг буруу үзүүлсэн тохиолдолд хавирга хугарах, дотуур цус алдах эрсдэлтэйг тооцох хэрэгтэй.Байшин худалдан авахдаа барилгын стандартын дагуу баригдсан, түргэний болон галын машин эргэх боломжтой эсэх, орц гарц хаагдсан эсэхийг нягтлан авах ёстой зэрэг олон мэдээллийг өгсөн юм.

Page 3 of 49

Манай facebook хуудсаар зочлоорой

Go to top