шилэн данс

 Энд өргөдөл гомдол
   хүлээн авч байна.
 

Эрхэмлэх үнэт зүйл

Манай байгууллагын эрхэмлэх үнэт зүйл бол тус байгуулагад ажиллаж буй нийт ажилтан, ахмад үе, тэдний бий болгож бүтээсэн соёл байгууллага хамт олон . . .

Дэлгэрэнгүй...

Үйл ажиллагааны ил тод байдал

Орон нутгийн өмчийн хөрөнгийг үр ашигтай захиран зарцуулах зорилгоор төсвийн удирдлагыг хэрэгжүүлэх шийдвэр, үйл ажиллагаа ил тод . . .

Дэлгэрэнгүй...

Худалдан авах ажиллагаа

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааны ил тод байдлыг хангахтай холбогдсон  . . .

Дэлгэрэнгүй...

Ажлын байр

Хөдөлмөрийн тухай хууль тогтоомж нь Үндсэн хууль, энэ хууль болон тэдгээртэй нийцүүлэн гаргасан хууль тогтоомжийн бусад актаас . . .

Дэлгэрэнгүй...

Мэдээ мэдээлэл

Нийтийн тээврийн жолооч нарын замын хөдөлгөөний дүрэм, хууль эрх зүйн мэдлэг, ур чадварыг дээшлүүлэх зорилготойУран жолоодлого-Ур чадварын тэмцээнийг “Зорчигч тээврийн нэгтгэл” ОНӨААТҮГ-аас жил бүр байгууллагынхаа жолооч нарын дунд зохион байгуулдаг. Тэмцээн нь ажилтан ажиллагсадаа сурган чадавхижуулах, мэргэжлийн ур чадварыг нь дээшлүүлэх, тогтвортой ажлын байраар хангах ач холбогдолтой.Тэмцээнд оролцож буй жолооч нараас хууль, замын хөдөлгөөний дүрэм, нийтийн тээврийн стандартаар тестийн шалгалт авахаас гадна жолооны дадлагын талбайд 90 градус ухрах,  буудлын карманд орох, дан болон хос туг сүлжих, цагираг шилжүүлэх зэрэг төрлөөр ур чадварыг нь сорьж байна.  2018 оны 10 дугаар сарын 12-ноос эхэлсэн тэмцээнд байгууллагын бүх жолоочийг  хамрагдаж байгаагаараа онцлогтой. Тэмцээн үндсэн 2 шаттай явагдах бөгөөд хэсэг тус бүрээс гурван байр шалгаруулан нэгдсэн дүнгээ гаргаж  байгууллагын аваргаа тодруулна. Тэмцээний эхний шатанд “Зорчигч тээврийн нэгтгэл”-ийн 1 дүгээр баазын 1, 2 дугаар хэсгээс 102 жолооч оролцож мэдлэг, ур чадвар, авхаалж самбаагаа сорьсноос дараах жолооч нар шалгарч байгууллагын аваргад орох эрхээ авлаа.

Нэгдүгээр бааз 1 дүгээр хэсэг

1 дүгээр байр  Б.Уранбат                 2 минут 26 секунд

2 дугаар байр   Б.Батбаяр               2 минут 44 секунд

3 дугаар байр  Ц. Отгонжаргал       2 минут 45 секундээр  

 

Нэгдүгээр бааз 2 дугаар хэсэг

1 дүгээр байр  Б. Түвдэнгарав    2 минут 26 секунд

2 дугаар байр  М. Гансүх             2 минут 44 секунд

3 дугаар байр  Н. Ганбат             2 минут 45 секундээр  шалгарлаа.

 

 

 

Бүх нийтээр мод тарих өдөр өнгөрсөн амралтын өдөр болж “Хүн бүхэнд цэвэр агаар - мод бүхэнд ус” уриан дор зохион байгуулагдлаа. Мод тарих энэхүү өдөр  “Зорчигч тээврийн нэгтгэл”-ийн  ажилчид “Монгол наадам цогцолбор”-т хавар тарьсан 125 ширхэг модоо усалж арчиллаа.  Модны тогоог гарган, хогийн ургамлыг түүж, орчныг цэвэрлэсэн. Жил бүрийн 5 дугаар сарын 12, 10 дугаар сарын 12-нд мод тарих өдрийг орон даяар зохион байгуулж шинээр мод суулгаж тарин, цэнэг усалгааг хийж арчилдаг юм.  

“Хотын нийтийн тээвэр, замын хөдөлгөөний оновчтой шийдэл” зөвлөгөөнийг Нийслэлийн Иргэдийн төлөөлөгчдийн хурлаас зохион байгууллаа. Зөвлөгөөнд Зам тээвэр хөгжлийн сайд Я.Содбаатар, НИТХ-ын дарга С.Амарсайхан болон нийслэлийн удирдлагууд оролцож төрийн болон төрийн бус байгууллага иргэдийн саналыг сонссон. Хурлын үеэр  “Зорчигч тээврийн нэгтгэл” ОНӨААТҮГ-ын ДХШХ-ийн дарга Д.Отгонсүрэн, Ерөнхий инженер ТТБТХ-ийн дарга Б.Энхцаг нар байгууллагаа төлөөлөн үг хэлж, холбогдох байгууллагад саналаа  хүргүүлсэн юм.

“Зорчигч тээврийн нэгтгэл” ОНӨААТҮГ-ын автобуснууд хуучирсан тул зайлшгүй парк шинэчлэлт хийх хэрэгтэй байна. Нийтийн тээврийн сүлжээ төлөвлөлтийн системийг шинэчилэн, 1-р эгнээгээр нийтийн тээврийн хэрэгслийг саадгүй зорчих боломжийг бүрдүүлэх, автобус угаалгын цех байгуулж, гаражийн засвар үйлчилгээг хийн, агааржуулалтын системийг сайжруулах шаардлагатай.  Ашиглалтанд орсноос хойш засвар үйлчилгээний станцуудад шинэлэлт хийгдээгүй.Нийслэлийн иргэдэд нийтийн тээврийн үйлчилгээг тасралтгүй, найдвартай хүргэхэд эдгээр асуудлыг шийдвэрлэх шаардлага тулгарч байна гэдгийг энэ үеэр хэлсэн юм.

“Зорчигч тээврийн нэгтгэл”-ээс Олон улсын ахмадын баярыг тохиолдуулан 628 ахмадаа  хүлээн авч хүндэтгэл үзүүллээ. Арга хэмжээнд “Зорчигч тээврийн нэгтгэл”-ийн удирдлага, баазын дарга нар оролцон,  ахмадууддаа мэндчилгээ дэвшүүлж, эрүүл энх, урт удаан наслахыг хүсэн ерөөв. Арга хэмжээний үеэр 1-р баазын ахмад настан Уран цуурай хамтлагийн дуучин Б.Уранчимэг ая дуугаар өргөсөн бол 1 дүгээр баазын жолооч Ю.Бат-Отгон, Г.Очтөгс нар залуу үеийг төлөөлөн ахмадууддаа мэндчилгээ дэвшүүлсэн. Харин  2 дугаар баазын дарга, Соёлын тэргүүний ажилтан Д.Батбаяр, СТА Оюун-Эрдэнэ, Б.Эрдэнэ-Очир, Б.Чүлтэм нарын хамт уртын дуу, морин хуур, зохиолын болон хит дуу хосолсон урлагийн тоглолтыг  үзүүлсэн юм. Ахмадууд нийтийн  тээврийн салбарт ажиллаж, тулгын чулууг нь тавилцаж байсан ажилчдаа хүлээн авч хүндэтгэл үзүүлсэнд талархал илэрхийлээд, хамтдаа дуулж бүжиглэн нэгэн өдрийг дуу хуур дүүрэн өнгөрүүллээ.

“Зорчигч тээврийн нэгтгэл” ОНӨААТҮГ-ын өргөтгөсөн шуурхай хуралдаан боллоо. Шуурхай хуралдаанд нэгтгэлийн удирдлага, хэлтэс, баазын дарга нар, захиргааны болон инженер техникийн ахлах ажилтнууд оролцов.  Энэ үеэр 2018 оны 3 дугаар улиралд  хэлтэс, албадын хийж хэрэгжүүлсэн ажлыг танилцуулсан юм. Тээвэрлэлт үйлчилгээний албаны ажилчид өвөлжилтийн бэлтгэл ажлын хүрээнд нийт 285 тээврийн хэрэгсэлд үзлэг шалгалт, угаалга цэвэрлэгээ хийн, нийтийн тээврийн стандартын хэрэгжилтэд хяналт тавьж ажилласан зэрэг олон мэдээллийг өгсөн.

 “Зорчигч тээврийн нэгтгэл” ОНӨААТҮГ-ын захирал Г.Төмөрбаатар байгууллагын үйл ажиллагаанд гарч буй ололт амжилт, алдаа оноог дүгнэн хэлтэс, бааз, албадын дарга нарт чиглэл өгсөн. Хүний нөөц бүрдэлт, санхүү, бүртгэл, хангамжийн чиглэлд анхаарч, нийт ажилтнуудын сахилга хариуцлагыг дээшлүүлж, хяналтыг сайжруулан хуульд нийцүүлэн ажиллах хэрэгтэй. Засварчдын ур чадварыг дээшлүүлэх чиглэлээр  тэмцээн уралдаан зохион байгуулж,  сургалтын чанарыг сайжруулах шаардлагатай зэрэг үүрэг даалгаврыг өглөө.

Page 1 of 41

Манай facebook хуудсаар зочлоорой

Go to top